Delphi Complete Works of Aristophanes (Illustrated) (Delphi Ancient Classics) by Aristophanes

Author:Aristophanes
Language: eng
Format: epub
Publisher: Delphi Classics
Published: 2013-08-09T00:00:00+00:00

Στρεψιάδης

Τί δῆτ᾿ ἐκεῖνον τὸν Θαλῆν θαυμάζομεν ; 180

Ἄνοιγ᾿ ἄνοιγ᾿ ἁνύσας τὸ φροντιστήριον

καὶ δεῖξον ὡς τάχιστά μοι τὸν Σωκράτη.

Μαθητιῶ γάρ. Ἀλλ᾿ ἄνοιγε τὴν θύραν.

Ὦ Ἡράκλεις, ταυτὶ ποδαπὰ τὰ θηρία ;

Μαθητής

Τί ἐθαύμασας ; Τῷ σοι δοκοῦσιν εἰκέναι ; 185

Στρεψιάδης

Τοῖς ἐκ Πύλου ληφθεῖσι, τοῖς Λακωνικοῖς.

Ἀτὰρ τί ποτ᾿ εἰς τὴν γῆν βλέπουσιν οὑτοι ;

Μαθητής

Ζητοῦσιν οὗτοι τὰ κατὰ γῆς.

Στρεψιάδης

Βολβοὺς ἄρα

ζητοῦσι. Μή νυν τοῦτό γ᾿ ἔτι φροντίζετε·

ἐγὼ γὰρ οἶδ’ ἵν’ εἰσὶ μεγάλοι καὶ καλοί. 190

Τί γὰρ οἵδε δρῶσιν οἱ σφόδρ᾿ ἐγκεκυφότες ;

Μαθητής

Οὗτοι δ᾿ ἐρεβοδιφῶσιν ὑπὸ τὸν Τάρταρον.

Τί δῆθ᾿ ὁ πρωκτὸς εἰς τὸν οὐρανὸν βλέπει ;

Μαθητής

Αὐτὸς καθ᾿ αὑτὸν ἀστρονομεῖν διδάσκεται.

Ἀλλ᾿ εἴσιθ᾿, ἵνα μὴ ᾿κεῖνος ὑμῖν ἐπιτύχῃ. 195

Στρεψιάδης

Μήπω γε μήπω γ᾿, ἀλλ᾿ ἐπιμεινάντων, ἵνα

αὐτοῖσι κοινώσω τι πραγμάτιον ἐμόν.

Μαθητής

Ἀλλ᾿ οὐχ οἷόν τ᾿ αὐτοῖσι πρὸς τὸν ἀέρα

ἔξω διατρίβειν πολὺν ἄγαν ἐστὶν χρόνον.

Στρεψιάδης

Πρὸς τῶν θεῶν, τί γὰρ τάδ᾿ ἐστίν ; Εἰπέ μοι. 200

Μαθητής

Ἀστρονομία μὲν αὑτηί.

Στρεψιάδης

Τουτὶ δὲ τί ;

Μαθητής

Γεωμετρία.

Στρεψιάδης

Τοῦτ’ οὖν τί ἐστι χρήσιμον;

Μαθητής

Γῆν ἀναμετρῆσαι.

Στρεψιάδης

Πότερα τὴν κληρουχικήν ;

Μαθητής

Οὔκ, ἀλλὰ τὴν σύμπασαν.

Στρεψιάδης

ἀστεῖον λέγεις.

τὸ γὰρ σόφισμα δημοτικὸν καὶ χρήσιμον. 205

Μαθητής

Αὕτη δέ σοι γῆς περίοδος πάσης. Ὀρᾷς ;

Αἵδε μὲν Ἀθῆναι.

Στρεψιάδης

Τί σὺ λέγεις ; Οὐ πείθομαι,

ἐπεὶ δικαστὰς οὐχ ὁρῶ καθημένους.

Μαθητής

Ὡς τοῦτ’ἀληθῶς Ἀττικὸν τὸ χωρίον.

Στρεψιάδης

Καὶ ποῦ Κικυννῆς εἰσὶν οὑμοὶ δημόται; 210

Μαθητής

Ἐνταῦθ᾿ ἔνεισιν. Ἡ δέ γ᾿ Εὔβοι᾿, ὡς ὁρᾷς,

ἡδὶ παρατέταται μακρὰ πόρρω πάνυ.

Στρεψιάδης

Οἶδ᾿· ὑπὸ γὰρ ἡμῶν παρετάθη καὶ Περικλέους

Ἀλλ᾿ ἡ Λακεδαίμων ποῦ ᾿στίν ;

Μαθητής

Ὅπου ᾿στίν ; Αὑτηί.

Στρεψιάδης

Ὡς ἐγγὺς ἡμῶν. Τοῦτο μεταφροντίζετε, 215

ταύτην ἀφ’ ἡμῶν ἀπαγαγεῖν πόρρω πάνυ.

Μαθητής

ἀλλ’ οὐχ οἷόν τε.

Στρεψιάδης

Νὴ Δί᾿, οἰμώξεσθ᾿ ἄρα.

Φέρε τίς γὰρ οὗτος οὑπὶ τῆς κρεμάθρας ἀνήρ ;

Download

Copyright Disclaimer:
This site does not store any files on its server. We only index and link to content provided by other sites. Please contact the content providers to delete copyright contents if any and email us, we'll remove relevant links or contents immediately.